Архив по дням: 13 августа, 2015

Жалал-Абад облустук аңчылык департаментинин адистери кийиктин эти менен тартып алган видеосун 1,5 жыл сотто өткөрө албай жүрүшкөн. Бул тууралуу Жалал-Абад облустук мергенчилер жана балыкчылар коомунун төрагасы Абдужалил Исмаилов маалымат жыйында билдирди.

Анын берген маалыматына караганда, экинчи жылга өткөндө гана Кр Башкы прокурорунун 1-орун басары Кылычбек Токтогуловдун жардамы менен кийикти аткан браконьерлер жоопкерчиликке тартылып, штраф салынган. Ошондой эле, 2015-жылы 16-январда Сузак районунун Барпы каналында ток менен балыктарды кармап жаткан жеринен аталган коомдук балдары барконьерлерди матору, балыгы менен кармап, протокол түзүп, аңчылык департаменти аркылуу Сузак райондук сотуна өткөрүп беришкен. (далее…)

Токтогул районунда чет элдик жарандар келип мыйзам чегинде аңчылык кылууга уруксат берилген аймак бар. Ал жерди “Жоон-Терек” жоопкерчилиги чектелген коому карап, алар кийиктерди көбөйтүү менен иш кылышат. Өткөн айда ал жердин инвестору Отто Криз бир теке аткан Тогуз-Торо районунун бир жаранын кармаган. Бул тууралуу экологиялык — техникалык инспекциянын штаттан тышкаркы кызматкери Ашим Чатаев маалымат жыйында билдирди.

Анын сөзүнө караганда, тоо текени аткан тогуз-торолук жаран эти менен колго түшкөн. Учурда ал барконьер Токтогул районунун егери Такенге телефон чалып, коркутуп жатыптыр. “Керек болсо, атышабыз. Автоматтар менен келебиз” – деп айтыптыр. “Эми мен бул коркутуу боюнча облустук ички иштер башкармалыгына арыз жазып, “коркутуу болуп жатат” — деп билдирип коюшум керек. Болбосо, мунун арты эмне менен бүтөөрүн билбейм”, — дейт А.Чатаев. (далее…)

Жалал-Абад облустук мергенчилер жана балыкчылар коому Союз мезгилинде 1959-жылы түзүлгөн. Коомдун негизги максаты – жаратылышты коргоо, жаныбарларды көбөйтүү болуп саналат. Бул тууралуу аталган коомдун адиси Рашид Сулайманов Жалал-Абадда өткөн маалымат жыйында журналисттерге билдирди.

Анын сөзүнө караганда, коомдун жетекчилеринин демилгеси менен өкмөттүн өкүлчүлүгүндө мергенчилик боюнча тегерек стол өткөрүлүп, атайын иш-чара кабыл алышкан. Бул коом мамлекеттик эмес, мергенчи жарандардын башын бириктирген, мыйзам чегинде иштеген коом. Коомдун негизги максаты – жаратылышты коргоо, жан-жаныбарларды көбөйтүү, браконьерлерди кармоо, мергенчилерге шарт түзүп берүү. Алар келечекте токойлордо чөптөрдү даярдап, жапайы жаныбарларды кышында багып, канаттууларга жем чачууну көздөп жатышат. (далее…)

“Кыргыз Республикасынын мамлекеттик мергенчилик ырастамасын берүү жөнүндөгү” Өкмөт башчынын үстүбүздөгү жылдын 24-июнундагы токтомуна ылайык, мамлекеттик ырастамасы жок мергенчилер өз алдынча аңчылык жасай алышпайт. Бул тууралуу Жалал-Абад облустук мергенчилер жана балыкчылар коомунун төрагасы Абдужалил Исмаилов Жалал-Абадда өткөн маалымат жыйында билдирди.

Анын берген маалыматына караганда, аталган токтом боюнча облус аймагында керектүү адамдарга түшүндүрмө берип бүтүштү. Айрым мергенчилер бул токтомдун чыгышына өздөрүнүн нааразы пикирлерин да билдиришкен. Мергенчилик билет менен мергенчилик ырастаманы аралаштырбаш керек. Бул экөө эки башка документ. КР мамлекеттик мергенчилик ырастамасын берүү эрежеси боюнча атайын Жобо кабыл алынган. (далее…)

Сузак, Базар-Коргон, Ноокен, Тогуз-Торо, Токтогул райондорунун мергерчилери аңчылык кылган, малчылары жайында жайлоого чыккан Кан-Ачуу тоо кыркаларына “Илбирс” долбоорунун алкагында бир нече фото капкан орнотулду. Бул тууралуу  экологиялык — техникалык инспекциянын штаттан тышкаркы кызматкери Ашим Чатаев маалымат жыйында билдирди.

Анын сөзүнө караганда, бул фото капкан мергенчилер өтө турган жерлерге, жаныбарлар жашаган жерлерге орнотулду. Фото капкандын заряды 2 айга жетет. Бул аралык ичине бардык ал жерден ким, эмне өтпөсүн, кыймылдын баарын сүрөткө алат. Кечинде да кандай кыймыл болбосун, баары сүрөткө тартылат. Бул кичинекей гана ширекедей болгон алыстан көзгө көрүнбөгөн буюм. Бир айдан кийин аны барып, фото капканды көрүп келишет. Ушундай фото капкандарды Кыргызстанда көбөйтүү керек,- дейт А.Чатаев. Муну менен браконьерлерге каршы күрөшүп, ал жерде учурда кандай жаныбарлар жашап жаткандыгын билүүгө болот. (далее…)